მცენარეთა ბალანსირებულ კვებას დიდი მნიშვნელობა აქვს დაავადებების წინააღმდეგ მცენარის მედეგობის საქმეში. სწორად და დროულად მიწოდებული საკვები ელემენტების შედეგად, მცენარე იმაღლებს შეძენილ იმუნიტეტს და ადვილად უმკლავდება სოკოვან, ბაქტერიულ თუ ვირუსულ დაავადებებს. მცენარის კვებას ორგანული სასუქებით განსაკუთრებული როლი ენიჭება თანამედროვე პირობებში, რადგან მხოლოდ მინერალური სასუქების გამოყენებამ გამოიწვია ნიადაგების ნაყოფიერების დაცემა და ზოგ შემთხვევაში მისი დეგრადირება. ამის თავიდან ასაცილებლათ საჭიროა ორგანული პრეპარატების ინტენსიური გამოყენება სასოფლო-სამეურნეო წარმოებაში. ორგანული სასუქების დეფიციტმა მიგვაღებინა გადაწყვეტილება, შეგვექმნა ორგანული სასუქის გრანულირების წარმოება. ორგანული ნარჩენების გრანულირება და მისი გამოყენება სოფლის მეურნეობაში ახალი საქმეა და მსოფლიოში ახლაც მიმდინარეობს კვლევები გრანულირების პროცესის შესწავლისათვის. თვითოეული ორგანული ნივთიერების გრანულირება მოითხოვს სპეციფიკურ წნევას და ტენის შემცველობას.